***القلب***
يا ذا القلب علاش فيا درت الويل...ساعفتك اديتني للهاوية
مالي طاقة صغر كيما كنت قبيل....شاب الراس وشابت معاه اللحية
كنت مأمن في حياتي حبل طويل....وانسيت الآجال عندو مولايا
.............
راني ساكت ما نتكلم..والهم اللي بي نخفيه
ماني قاري شيخ معلم...علم الكلمة نفقه فيه
ولا فارس عود ملجم...سرجو واركاب يواتيه
العظم ارشى ربي يرحم...والقلب اتفرج عليه
يا ربي بهمومي تعلم...وزماني ما طقت عليه
........
يا قلبي هولتني احرام عليك...مالي طاقة نعافرك
قيل طريق الغر مولانا يهديك...تندم تنسا شافعك
وطريق الخير هي بلا تشكيك...امشي فيها نساعفك
جلول قيايدة
ليست هناك تعليقات:
إرسال تعليق