يا زين الحور
عدّيت وجايع ليّا شهور
خدايع ومكايد في كلّ فصول
تمنّيت ننسى ليّا دهور
قلبي موجوع دقّت طبول
وعيون تلاحق يازين الحور
نرشق مشموم ونزيد نصول
ما نبيع بلادي ماني مجبور
نربح أمجادي و كلي ميول
نبني ونعلّي والسد مشهور
ينبت الفاجل وشطور سبول
مدّيت ودايع مانبغي نجور
قلبي ملهوف والحبّ سيول
نوّار يذبل في أرض جمور
وعصفور يتيم جناحو مسلول
العمر يمضي ڨداش فجور
يضحك الغافل ماهو مسؤول
في السّرّ الضّايع أنهار وبحور
وطار من يومها بلبل ونحول
يا خليلي عاشر ...العلم نّور
يبان الغيم في السما محلول
في الشّدّة ترى قلبي مهجور
والعقل سارح كينو فلول
رسالتي يا خليلي راهي سطور
نجمة ضوّاية وقرْع طبول
صبري نفذ من خدايع وشرور
خاف م الزّمان راهو يطول
جروحي كينّها سكرات مخمور
ضاع الصواب بين المكر والهول
سقيت الزهر والغصن و جذور
قطراتها تحكي ع غرامي المهلول
ما يعجبك في الدّهر سرور
زين الفعايل هي الفصل والقول
تحميك من المكايد و يد الجور
وما تكون ع الأرض ضايع مهبول
بلادك جدران تمنع الغور
وأنت الوفاء ...جندي مرسول
يهبّ الريح ونسايم حور
والنحل سارح في كل حقول
نور الشمس كينّها بدور
وجبال عالية كليلها ع الطول
والقمرة للّة... زينها منذور
وعشاق الليل... فيهم قبول
الشاعرة حميدة بن ساسي
ليست هناك تعليقات:
إرسال تعليق