تيجى نعمل دكان*****للشاعر محمد الصافي

تيجى نعمل دكان ...؟
دكان من خشب وباب وحيطان 
مليان من كل صنف أشكال وألوان 
فيه ورود وزهور من كل بستان 
فيه عطر وفل ونرجس وياسمين 
فيه كمان محبة لكل العاشقين
نبيع النظرة اللى بتتكحل بيها العين
نبيع البسمة اللى بتترسم على الشفتين
نبيع الكلمة اللى واقفه فى الجوف من سنين
لو كان بايدى كنت بعت الحب لكل قلبين
تعرفى ،،،
حنكسب كتير
حيبقى عندنا ،، عشاق ،، أحباب ،،
وكمان مساكين
أصل سلعتنا ميعرفهاش غير ...
المكسورين
محمدالصافى18/2/2016