)) دبـــح العواطــف ((
بقلمي / عصام مدين ... شاعر القلم الحزين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
دبــح العواطف ... أصعب كتير م الموت ساعات
بتقوم عواصف ... في الفــراق وتموت حاجات
بتموت قلوبنا وتنتحر
تصبح حجر ويا السُكات
بتغيب شموس الكون وترحل في الغروب
أما القمر بيروح ويعشق في الهروب
حتي الشموع بتدوب علي رمل الدروب
والروح بتدبل تنطفي والذكريات
دبح العواطف شئ فظيع
إحساس مُريع .. إنك تحس إن الزمان مفهوش ربيع
يرحل خريف ويجيك خريف زي اللي فات
إحساس مُمِل تشوف حبيبك مش معاك
تفضل وحيد وإنت هنا وأتاريه هناك
إحساس أكيد متحبهوش .. ومترضهوش
لو جه في قلبك ألف ضحكة متنسهوش ما القلب مات
دبــح العواطف ... أصعب كتير م الموت ساعات
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بقلمي / عصام مدين ... شاعر القلم الحزين
ليست هناك تعليقات:
إرسال تعليق