قمر بشامون** بقلم راضي مشيلح

قمر بشامون
-----------------
ياقمر عمري من بشامون هل النور
بْبسمات تمك حياتي صرت ضاويها
انشالله عجلة الزمن بكير رح بتدور
ومع بعض نبقى بهنا السهرات نحيها
من لطف روحك انت رشيت عمري عطور
وقديش عاجز صرت هالروح اوفيها
وبيظل فكري معك بالنور والديجور
وصورة جمالك عيوني عم تحاكيها
ومهما بحبر القلب ضليت خط سطور
قصة حنيني الك ما قدرت كفيها
تخمين صاير انا مجنون او مسحور
وغيرك ما ضني حدا الاحوال يشفيها
وتايحين موعد لقانا باقتين زهور
وللمزهريه سوا نقدر اندفيها
خلي خيالك يجي حلم العيون يزور
تا ظل حب الدني وماسك اياديها
-----------------------------------------
بقلمي راضي مشيلح