(تاهت الكلمات )
تاهت كلماتى على لسانى
ومش عارف ليه
عجزت أكتب عنوانى أو أحزانى
والسر فيه
أروح يمينى ولا شمالى فى غربالى
ولا أعمل إيه
الصرخة سامعها جوايا فى حشايا
بس أصرخ بيه
أخاف يقولوا عليا خلاص
ضاع عقلى منى وقلبى غاص
فى بحرغريق ملوش راجع
وحزن عميق وليل دامع
أااااااااااااااااااااااااااااااه
لو كانت الكلمة بايدى
لكتبت بإيدى يوم عيدى
ورسمت ألمى وتنهيدى
وخرجت من أسرى المحدود
وفتحت كل طريق مسدود
بس ....................
علينا المكتوب مكتوب
ودا قدرنا ولا منه هروب
هروح من قدرى دا لقدرى
وأزود حبرى دا بصبرى
وأناجى فى ليلى دا بقمرى
ومن غيرك صديق عمرى
نلاقى كلام كتير نحكيه
ولا نذكر ...فلان نبكيه
وندعيلوا .. ربنا يهديه
ونرجع تانى لليالى زمان
قلوب خالية ومافيه أحزان
نعيش ليل ما له عنوان
نسكن سحاب مافيه سكان
وننسى يومنا وأسمينا
..............................
ونمنى وغمضنا عنينا
هسسسسسسسسسسس
بسسسسسسسسسسسس
خلاصصصصصص
تحياتى ،بقلمى عمر جميل
ليست هناك تعليقات:
إرسال تعليق