الهم ورانا ورانا*** بقلم الشاعرة الغنائية**رضا عبده

الهم ورانا ورانا مش عايز يوم يسبنا
والدنيا مش سيبانا داحرام والله تعبنا
صابرين على الاوجاع والعمر عدى وضاع
وسنين بتلف بيناورضينا خلاص بنصيبنا

صبرنا كتير وياما ع الراس دقة طبول
ولا حاجة مريحانا غلبنا نعيد ونقول
اهدى يا دنيا علينا سبينا حبة سبينا
داالدمع مالى عنيناوالعقل صبح مشلول

كل اما نخطى خطوة بنرجع خطوتين
هو ده زمانا يادنيا ولااحنا يا دنيا فين
عايشين لكن اغراب واخرنا متر تراب
نضحك بنعدى يومنا وقلوبنا تبكى حنين

الحزن لينا علامة ف القلب كإنه شامة
لازق حالف مايسيبنا حتى ليوم القيامة
سنين بتجرى بينا والامر مش بايدينا
حكم الزمان علينانعيش كده ف دوامة
والهم ورانا ورانا مش عايز يوم يسيبنا
والدنيا مش سيبانا داحرام والله تعبنا