======= اهــ يا مصر انتِ جبل ====
قصيده للشاعر // على عبد الرازق صالح
المعصره // الفتح // اسيوط // ت//2402204 // 088
==================================
اه يامصر انتِ جبل والجبل مايهزه ريح
انتِ فى القرآن ذُكرتي وحتى من قبل المسيح
انتِ أم الدنيا دي .. ودي حقيقه مش مديح
كام شهيد راحوا فداك وكام جريح
انتِ ماضي انت حاضر انت مستقبل ولادك
انت ست الناس يا مصر انت شاهده كل عصر
انتِ حضاره وتاريخ ، انتِ اهرامات ونيل
انتِ علمتي اللي كان جاهل فــ عصره صبح فصيح
واهــــــــــ يا مصر انتِ جبل والجبل ما يهزه ريح
===================================
اه يا مصر انتِ زويل انتِ محفوظ الآديب
الغريب على ارضك قريب عمره ما كان فى يوم غريب
واللي كان فـ يوم عداكِ اتعدل واصبح حبيب
انتِ للعالم مناره ،وانتِ فـ الاصل حضاره
انت ضل للعرب فى يوم لهيب
انتِ شمس منوره الدنيا من بعد المغيب
انتِ ناصر والسادات ، انتِ محمود الخطيب
انتِ نيل للعطشنين اللي يشرب منه مره لا يغيب
انتِ مكرم وعرابي انتِ سعد، انتِ يعقوب الطبيب
انت ِ فى الوطنيه وحده موحده الهلال ويا الصليب
انتِ من أمه محمد والمسيح
واهـ يا مصر انتِ جبل والجبل مايهزه ريح
=============================
اه يا مصر انتِ تاريخ يحكي عن بطولات فـى سينا
يوم ماهزمتي العدو وقتلتي الصاهينا
يوم ما هدمتي المزيف خط برليف الحصينا
انتِ سته من اكتوبر وعشره من رمضان شهر الصائمينا
يوم ما صرخ الجندي قال الله اكبر ربنا كان له معينا
انتِ انشوده سلام ، انتِ مش اى كلام
كنتِ للغزاه مقابر وكنتِ للحسين ضريح
واهـ يا مصر انتِ جبل والجبل ما يهزه ريح
==========================
انتِ يامصر الآمان وكنتِ حضن للمسيح
انتِ ارض وربنا طهرها بكلامه الصريح
انتِ ماري انتِ هاجر ستنا أم الذبيح
انتِ قصه للنبي موسى وفرعون القبيح
انتِ عايشه فى دمنا ، انتِ وادينا الفسيح
واهــــــ يامصر انتِ جبل والجبل مايهزه ريح
============================
اه يا مصر انتِ جبل يو م مهزمتي التتار
يوم مهزمتي المغول
كنتِ على الاعداء ذئاب كنتِ غول
انتِ وصيه نبينا وصى بيكِ الفاتحين
انتِ كلمه ربنا ، ادخلوها بسلام آمنين
انتِ وحده موحده ما بين نصارى ومسلمين
انتِ اهرامات ونيل للعطشنين
مهما اقول فيكِ يا مصر او اصيح
انتِ يا مصر عظيمه بدون كلام وبدون مديح
وانتِ يا مصر جبل والجبل مايهزه ريح
وانتِ يا مصر جبل والجبل مايهزه ريح
========================
بقلمي // على عبد الرازق صالح احمد
المعصره === الفتح == اســـــــــيوط
ت // 2402204 // 088
أعجبني
تعليقمشاركة
ليست هناك تعليقات:
إرسال تعليق