الفلاح الفصيح بقلم معوض حلمي منشأة بطاش تمي الأمديد دقهلية

(   الفلاح  الفصيح   )

سألوني .. 

يعني إيه فلاح فصيح ..؟ 

قلت الأصيل زي الدهب

 ماهوش صفيح   .. 

 لو شيلنا النوايه

من فريح الزير يطيح  .. 

هو الوتد سند البلد

بلسان صريح  .. 

حفر القناه بصبر وجلد

وف دنشواي ضهره انجلد

مصري بصحيح   .. 

لاعمره باع  

ولاعمره شارك  ف الصراع  ..

ولاعمره قال إنه جريح    .. 

عايش يادوب سطر ف روايه  .. 

مالوش ف أدوار الغوايه      .. 

ولا على صوته بالشكايه      .. 

وانا رحال عايش إحساسك    ..

عارف إنك داير ف دايره

زي تور مربوط ف ساقيه     .. 

متغمي والناف على راسك   .. 

ولاشايف رجلك فين بتدوس 

ولا شايف ناسك   .. 

ولاخايف ع اللي فاضلك 

من إحساسك   .. 

خايف من نواياهم خوف 

مرعوب  .. 

مش عايز تنسى 

شيطان الخوف وتتوب  ..

خايف تطلع للنور  .. 

وتشوف ضلك مكسور  .. 

مش عارف تهزم سجانك 

وتهد السور  .. 

قوم إصنع من أحلامك فكره  .. 

وارمي حمولك على بكره 

دا بكره بيجي معاه النور .. 

دا بكره بيجي معاه النور .. 

~~~~~~~~~~~~~

بقلمي ........ 

الفلاح الفصيح 

معوض حلمي 

منشأة بطاش 

تمي الأمديد 

دقهلية