........ يا بنت الذينا .........
ايوه بنحبك قرية ومدينه
ايوه بنحبك يا بنت الذينا
دمك في عروقنا وريقك
في ريقنا وحضنك بيدفينا
ايوه بنحبك قرية ومدينه
كبرنا علي أرضك
ف طولك وعرضك
وإتوضينا من نهرك
وشربنا من شهدك
وبطولك وبعرضك شط ومينا
ايوه بنحبك يا بنت الذينا
شقشقة عصافيرك
وبستانك وعبيرك
والبركه في خيرك
وإللي يمس توبك
أو يفكر يعيبك
كلنا جنودك من قبل ما تندهينا
ايوه بنحبك قرية ومدينه
إنتي بلدي وداري
وجدي وأنهاري
وبستاني وأزهاري
وولدي وصباري
والواحه اللي بتجمع أهالينا
ايوه بنحبك يا بنت الذينا
ايوه بنحبك كوخ وقصر
ايوه بنحبك بستان وزهر
ايوه إنتي تاج كل عصر
وكرامه ورايه لكل نصر
وعزتك في المعارك بتقوينا
ايوه بنحبك قرية ومدينه
......................................
....... حسن الشوان 🇪🇬 .......
ليست هناك تعليقات:
إرسال تعليق