جوه النفًق بقلم أحمد شاهين
شخبطت كل الكلام
وقطعت كل الرسايل
لو جانى طيفه فى منام
بصحى ودمعى اللى سايل
يغسِل مكان السٌهاد
يوصف هزيمة الفؤاد
وكل من قال وعاد
كِترت ما بيُنا القوايل
الكِدب فرّق قلوب
والغِل زوّد كروب
واللى بيملا الجيوب
بيسّوى فينا الهوايل
قلبى البرئ إتخدع
صدّق بتاعة الودع
قال فى الحياه مٌتسع
للورد بين الخمايل
كل الكلام دا كلام
يا مصدقين الافلام
ما تفوقوا م الأوهام
دنيتنا تدِى اللى طايل
شخبطت كل الكلام
وحرقت كل الو رق
ودعته قولت سلام
ودخلت جوه النفق
فى الضِل أنا راح اعيش
هقًفِل عليا الشيش
ما هو أصل أنا ماعييش
والحلم منى إتسرق
وحالى هو اللى مايل
شخبطت كل الكلام
وقطعت
كل
الرسايل
كلمات أحمد شاهين
ليست هناك تعليقات:
إرسال تعليق