نغنّي معاك
نرجع م الأبعاد صبايح
وقلبي خفَق خفْق بنين
حبّيتك بكل صلايح
عجبني هذا الوجه الزّين
عشڨتك يا زهري الفايح
والقمرة تضوي ع جبين
ونميح معاك بالوزن المايح
تحت الفلّة و الياسمين
غنّت صليحة ...البدر لايح
وسيدي عليّ سيد العاشقين
ونعمة وعليّة والنّغم الرّايح
وسلاف والتّميمي بدرين
والطير ع الزّهر الفايح
مواويل تصدح في الحين
وفيروز صوتها جنايح
من بيروت لتونس ...جينين
آه يا خليلة عمري السايح
في جناين زهر النّسرين
ع جبينك مرسوم فتايح
وع الخدّين حمرة وردين
مبسم يضحك على كل لوايح
قلبك عاشق ماهوش حزين
والعين ع الشفر فرايح
والحاجب هلال يسحر بالزّين
في وقت الشّدّة نلقاك مايح
كنسايم بحر و قلب حنين
العشرة معاك مدّة و صفايح
والسّما من فوقها عراجين
قلبين وسط الموج روايح
رغم النوّ يكونو الاثنين
لا فرقة ولا غدر صبايح
والقشرة ذهب تبرق في الحين
نور الشمس ضحكة وجوايح
لهيبها وجفاها وجهين
والدّنيا ع الوجه نفايح
موجاتها تقلب وتلين
هذا زمان تتباع فيه اللوايح
وحبيبك في القلب سنين
والمارد يطلع م الجوايح
والخير الكلّ تشوفو العين
الشاعرة حميدة بن ساسي
ليست هناك تعليقات:
إرسال تعليق