.. احلفك .. وائل مسلم ..
وحياة الشوق ولياليه
والسهر اللي سهرت فيه
والحب اللي انا عايش ليه
والقلب اللي عشقك بيداويه
انا محوط عليك بنن العين وانت ساكن فيه
وحياة القبلة اللي طبعتها علي خدك
ده مفيش في الجمال قدك
احلفك ياحبي باحلي ايامنا
والذكري الحلوة في كلامنا
ارجوك بلاش العناد
وليه طولت في البعاد
ومين اللي آساك عليه
رغم أن قلبي بعدك مٱثر فيه
وانا عارف ان بعدي مٱثر فيك
ولذلك ادعي المولي أن ربنا يهديك
لاني عارف ان هجري مآثر فيك
ارجوك ابعد عن اللائم البعاد
ده انت عارف ان حياتك معايا كلها هنا وإسعاد
يبقي ليه نعاند أنفسنا
واحنا عارفين أنه اتخلقنا لبعضنا
ده مكانش في السعادة زينا
وكل العوازل بتغير مننا
احلفك بالحب الطاهر اللي كان خالي من المظاهر
وكان كله اخلاص وطيبه
انك لسه في قلبي زي انا ما لسه جوه قلبك
يبقي بلاش الهجر وانت عارف انك في بعدي بتعاني
وانت عارف ان قلبي مفهوش حد تاني
ده انت الحب الاولاني
ومفيش بعدك عشق استهواني
يبقي لازم ترجع لحبيبك وتعيش في حضنه لانك لم تنساني
احلفك بكل حاجه حلوه أن تصفح وتسامح
و لايمكن في يوم هكون علي حبي انا الجاني
وفي لحظه صفا لاقيت حبيي جاني
وبعيونه ناداني
وفردت دراع الشوق بالاحضان والحنيه
ماهو اعمل ايه زي الشوق ما جابه
العشق عليه هو اللي وداني
وفي حضنه رماني
ماهي حبيبتي وسكني وعنواني
ومن في الجمال زيه
ومين في العشق قده
دي قلبي هو اللي حبه وكان بيوصله ويوده
وزي ما حبيته حبني لكن بيعاند علشان يعرف غلوته
ومن غير ما احلفله هو عارف معزته وحلوته
ده هو حياتي زي ما انا حياته
ورجع بدمع العين وطبعت قبله علي الخدين
ودبنا في بعض احنا الاتنين
ماهو مفيش زينا حبيبن
وقالت أنا حطاك في نن العين
ودموع الندم بتقول انت في النبض والوتين
وحنوت عليها ما انا برضوا قلبي مسكين
وان قسيت مش ممكن القي زي حبيبي والقي زيه فين
ومين في جماله مين
ده جميل القد ومفيش في غلوته حد
ومهما اوصف فيه أو اعد عد
ده انا حقيقي بحبه بجد
ليست هناك تعليقات:
إرسال تعليق