كُلُّه فَانِي
ـــــــــــــــــــــــــــــــــــــــــــــ
كُلُّه فَانِي كُلُّه فَانِي
وِاحْنَا عَايْشِيْن بَس مُوتْنَا
مَا تْلُمُوش النَّدْل أَبَداً
لُومُوا خِيْبَه بَس جَاتْنَا
إِقْتِلُوا فِيْنَا الأَمَانِي
إِخْرِسُوا فِي الْحَقّ صُوتْنَا
كُلُّه شَايْف الضَّرْب فِيْنَا
وِاحْنَا لِلنَّخْوَه دِي شُوطْنَا
مَوِّتُونَا مَرَّه وَاحْدَه
وِاقْطَعُوا البَاقِي فْي سِيْرِتْنَا
لِلمُرُوءَه مَاعَدْش كِلْمَه
دَارُوا يَلاَّ أَوَام خِيبِتْنَا
خَلَّصُوا أَوَام عَلِيْنَا
وِاشْمَتُوا فْي قِلِّة حِيلِتْنَا
هِيْلُوا يَلاَّ تُرَاب عَلِيْنَا
إِحْنَا أَغْلَى مِ اللي فَاتْنَا
إِزَّاي نِنَادِي العِزَّه فِيْنَا
وِرِجْل ظُلْم بِلُوم دَاسِتْنَا
سِبْنَا رَبّ الكُون بِحَالُه
إِنْسُوا حَد فْي يُوم يِغِيتْنَا
كُلُّه فَانِي كُلُّه فَانِي
وِاحْنَا عَايْشِيْن بَس مُوتْنَا
مَا تْلُمُوش النَّدْل أَبَداً
لُومُوا خِيْبَه بَس جَاتْنَا
ـــــــــــــــــــــــــــــــــــــــــــــ
كلمات الشاعر أحمد شاهين
----- مصر -- أسيوط -----
ليست هناك تعليقات:
إرسال تعليق