ما زلت نقول
عدّيت عمري كالريح نمنّي
وروحي غريبة ما هنّيتها
نضحك و الكفّ ماهو محنّي
مجروحة و جروحي خبّيتها
ما زلت نقول المحبّة تدنّي
دقة قلب قرع الطبول حبّيتها
مازال الشفر والحاجب يغنّي
ريت المذلّة من ناسي عدّيتها
مازلت نزيّن والقلب مهنّي
رغم الوجع حروقي طفّيتها
نضحك ومازال الزناد فنّي
ومازالت نجمة في السماء علّيتها
غدر القريب في الطّبايع رنّي
زلاّت و ياما خيبات جنيتها
هدّ ا محال نعيش معاه متهنّي
نبعد عليه وخطواتي لفّيتها
وما زال عمري كي الجناين منّي
زهراتي راوية بالمحبّة سقيتها
مدّيت كفّي ليهم متعنّي
عضّوا يدي والعضّة ما نسيتها
تونس في القلب هي حسن ظنّي
وما وثقت في حدّ... وزهّيتها
بالمحبّة والخدمة زهوي و فنّي
نزرع ثمرة والجراح ما جنيتها
لا نركب جواد الغدر ماهو سنّي
وما زلت نقول ما حسّيتها
زعمة تبرى من الغدر واللي يمنّي
جروح باينة و يدّي داويتها
الشاعرة حميدة بن ساسي
ليست هناك تعليقات:
إرسال تعليق