عارف العيب
. بقلم الشاعر المصري و
عرفات الأمير عبد اللطيف
.............................
عارف العيب ليه بيسموه عيب
لما لسانك يشتم جارك عيب تشتم جارك
عارف امتي تكون الغايب مع إنك حاضر
لما تقلد أهل العيب حتى بأفكارك
لما تشوف أهل العلم ولا تقدرهم
حتى بأبسط كلمة يقولها لسانك
عارف العيب لما تسيب اختك
وبإسم الموضة ماشية لابسة ولاهي لابسة
ياسنين سودة يا مليون وكسة
الكل يبص بعينه ويجرح عرضك
عارف العيب إنك تضحك وبأعلي الصوت
لما تشوف انسان عاجز نفسه يكون هو مكانك يا مغروووووور
وتكون انت اللي الايام ضاحكة عليك
وعايش الدور
يادي غرورك يا انسان
عارف العيب لما تسيب الجهل ينخور عظم عيالك
عارف العيب لما تشوف بعينك يتيم ولا تتأثر
عارف المنظر ممكن بكرا تشوفه تاني كدا يتكرر
ويا ولادك
عارف العيب لما تشوف حيوان ضعيف
نفسه ف شر بة مية او حتى فتات كسرة عيش
ولا يتحرك أي احساس جوا ضميرك
عارف العيب لما تشوف انسان فقير
وساعتها تخاف إنه يعدي جنابك
عارف العيب انك تاكل أغلى طعام
قدام طفل فقير وتخليه يحس بنقصه
والله حرام
عارف العيب ان تشوف انسان محروم
م الخلفة معدي وتحضن كدا قدامه طفلك
خايف يحسد ابن جنابك
عارف العيب انه تباهي باللبس الفاخر
بني آدم مخلوق عريان
هو بإيده
مين فينا ياعالم مخلوق بمزاجه زي ما عاز
العريان والمحروم والمسكين دولا ياسيدي عند الله
ليك اختبار أو قول. ابتلاء
ربك كدا بيشوف هاترد جميله
ولا تعيش متغطرس ياد
وحاسس انك زايد حتة علي عباده
آه يا بجاحتك مليون آه
عارف لو عند الله ليك قيمة كبيرة
كان خلقك من حاجة عظيمة
عليها القيمة آه يابجحتك
عارف الطينة اللي انت ياسيدي
بتبول عليها وبترمي عليها وساختك
هي ياسيدي ف الأصل أمك
ما انت ياسيدي من أحقر شئ
ربك خلقك علشان بكرا ماتنساش
أصلك
عارف العيب
.......... ١١_١٠_٢٠٢٤
ليست هناك تعليقات:
إرسال تعليق