تاونات في البال
تاونات بلادي ديما في البال
تاونات معروفة بالرجال
وطريق الوحدة رمز الإستقلال
فيها شلا قبايل
وأنا فيها زروالي
الطبيعة هايلة بلا متسول
كلها عيون الماء في كل المكان سايل
والمشهورة عين باردة وتازغدرة و بوعادل
تاونات عاليا كلها جبال
فيها جبل ودكة جبل عالي
زيارتو ليه بركة بلا مال
تعالى زرها وتأكد من أقوالي
الباكور والكرموس في الشمايل
والبرقوق والرمان غير مايل
والعنب بالنواع معلق في الدوالي
عندنا الزيت الجديدة والحايل
والشعير في الدماني غير مايل
منو نطعمو منقول غالي
الكلمة عند العيلة والعايل
والزطمة صحيحة وخا بالنعايل
منخونو الحق والرأس ديما عالي
الخبزة معطية وهي قوايل
والبركة متخطا معمرة النوايل
العوين مجود منقول ممسالي
هذا هو التوناتي وهذا هو حالي
تعالى زر بلادي وهذا موالي
وسول أخباري عند كل جايل
يقول ليك التوناتي هايل
بركتو عطية ربي العالي
تاونات بلادي وانا فيها زروالي
عبدالرحمان الكحشة
ليست هناك تعليقات:
إرسال تعليق