تغريدة الشعر العربي
السعيد عبد العاطي مبارك الفايد - مصر ٠
( و بقيت أشوف ٠٠!! )
الشاعر الغنائي طه علي الدين
" و بقيت أشوف الضي جي ضعيف
كإنه نافد م الخُرم فى الإبرة
باهت ضياه ماعادشى صافى نضيف
تايهة خُطاه و مشيته حِبلة
فى العين مزغلل لا بيطفى و لا بيقيد
تعرفشي جاي فى المخالف.. و لا على قِبلة؟!. "
( من قصيدة : و بقيت أشوف )
٠٠٠٠٠
من الدلتا الخضراء أقليم كفر الشيخ كفر المبدعين " بلطيم البرلس " حيث الشاطيء الجميل ، و بساتين النخيل و تلال الرمل الذهبي ، و أشرعة المراكب المسافرة في البحيرة و أسراب النوارس التي تغازل القمر في عليائه ، و الذكريات التي هي مخاض حلم ووجع حصاد السنين ٠٠
و من تلك أصداء البيئة الساحرة الخلابة التي منحتنا عمالقة الفكر و الأدب و الإبداع و الفن و السياسة ، و في كافة المجالات التي تميزت بها تضاريس هذا المكان العريق و روعة الزمان ، كل هذه المعادلة سيمفونية بمثابة حكايات ترجمها شعراء هذا الإقليم على أرض الواقع هكذا ٠٠
فمنذ أن فتحنا أعيوننا - في دائرة بلطيم البرلس - على الأدب و الشعر نحن ننشد نشيد الصفاء لشاعر الأصداف الثائر ( صالح علي الشرنوبي ) الذي وضع خريطة الشعر في صدارة الشعر العربي المعاصر ٠
و استمر مسلسل الشعراء هنا في البرلس يشرق مع طلعة شروق الشمس حيث الشعر و الشعراء ( فصحى و عامي ) يتغنون بجمالها الساحر كل يوم ، كما نطالع المشهد الثقافي الوليد في إقليم البرلس المعطاء كل يوم ٠٠
و لِمَ لا و هي مجمع النبوغ و المواهب بالطبيعة و الإلهام ، فنجد لفيفا من عالم الشعراء كُثر و توقفنا في حلقات عديدة مع الكثير منهم من كل لون و مدرسة و مذهب و اتجاه ٠٠
و في تلك السطور القليلة نتوقف مع الشاعر الغنائي ( طه علي الدين ) الذي عشق جوهرة الشاطيء و تغنى بها في كل محفل ٠٠
أليس هو القائل :
عالم مضروب ٠٠!
عالم فى حروب
العاقل فيه مجنون جداً
عايش مجذوب
عالم مضروب..
قايم مبنى على الأطماع
لا حد فيه راضى برزقه
و لا حد صابر على أوجاع
الكل باصص على غيره
.. فى حق أخوه طماع
لابسين وشوش ملايكة
و إحنا اساتذة خداع ٠
* نشأته :
---------
ولد الشاعر طه علي الدين في مدينة بلطيم البرلس محافظة كفر الشيخ جمهورية مصر العربية ٠٠
فهو شاعر عامية غنائي و كاتب و سيناريست و عضو رابطة الزجالين و رئيس نادي أدب بلطيم البرلس ٠
من مؤلفاته :
= ديوان أصل الحكاية - ٢٠٠٧ م ٠
= ديوان غنا و تمثيل - ٢٠٠٨م ٠
= مجموعة قصصية ( آدم في شباك حواء ) ٢٠٢٣ م ٠
* تحت الطبع :
- ( فاكرة زمان ) أشعار بالعامية المصرية ٠
- رواية ( المرشدة و السواق ) ٠
و في مقطوعة يقدم لنا رؤية و نصيحة في كلمات مختصرة فيقول فيها :
لما شيطانك يلعب بيك
و تلقي يأسك جوه ماليك
قوم من نومك لَم همومك
و شُق قنايه من غناويك
و إملاها من صبر دموعك
طمن جوعك على تقاويك
د اللى بيزرع لازم يحصد
و على أد ماتتديها تديك ٠
* مختارات من شعره :
--------------------------
ننطلق مع شاعرنا الغنائي طه على الدين في متوالياته و منها هذه القصيدة ( أنا عايز اقول كلام ) التي يحلم بحرية بلا قيود بعيدا عن الصراعات و التصادم من خلال تجربة تحمل دلالات تنقل رؤى تسيطر على الروح في رمزية تجسد جماليات المشهد في تلقائية :
أنا عايز اقول كلام
و خايف لل الكلام يسمع
و اللى ماليه الخوف
لا بيشوف و لا بيسمع
يااللى إنت كِبر سنك
أو لسه من سنى
كلام هقولك عليه
و افهم معنته منى
مش كل شئ يعجبك
لازم يكون ملكك
و لا كل من قالك بحبك
يعنى تسلموا ملكك
د احنا سمعنا مثل
عن الفلاحين قالوه..
(يامربى فى غير وِلدك
يابانى فى ملكك)
شرف الجدع كلمته
أغلى من دهب و ياقوت
و الظلم مهما تكون قوته
هيجيله يوم و يموت
و لو الكلام آخرته
صداع و بحة صوت
الأغلى من فايدته
قِلته و سكوت
و اللى ماتقدر عليه أُتركه
لصاحب الملكوت.! ٠
***
و في مقطوعة زجلية بمثابة موال يصرح في أنات يستدعي مأساة الواقع في مناظرة حواريةفلسفية جمالية لكنه لا يتوقف لحظة عن الغناء كالطائر الحزين ينشد الصفاء و الأمن و الاستقرار كحق طبيعي في الحياة لأنه إنسان :
و يظهر ع الجبين مكتوب
هعيش العمر بالمقلوب
مانيش معدول
اهد و ارجع ابنى ف طوب
و اداوى قلوب
ابات معلول
مألمانى وشوش جارحه
بتستكتر عليا الفرحه
و تفرح لما ابات مغلول
مخاصم النوم
و اقوم معدول
اعض فى إيدى ميت عضه
فاستغفر و اقوم اتوضا
و انسى اللي شوفته امبارح
و كل اللى كان جارح
من عز الضيقه و الخانقه
أفلفس روحى م الشهقه
و أشوفنى أمل طارح
افرح لما قلبى يدق
و أحس إن انا عايش
فى زحمة زمن بيزق
ولو حتى على الهامش
و يتقال إن انا طايش
و كلام مبلول كده بايش
أواسينى..أنادينى..
ماتتهزش من اللى اتقال
قوم لف البلاد رحال
ورا غنوه..ورا موال
و حن ل بنت فرفوشه..
لضحكة سنه مكسوفه..
ولسلام من لمسه مرعوشه..
ل(بحبك وحشتيني_
و لو انتى مطلعه عينى_
بحبك مووووووت)
و اتوّجع م الفراق و اشتاق
لمقابلة تانيه مخطوفه
احلم..
احلم و لو تقوم م النوم
واقع مكسور
و لسعة شمس فى جبينك
تناديلك
قوم اتعلق فى ساقية و دُور
و أنا مش طور..
أنا إنسان
أنا إنسان ٠
***
و نختم له بهذه المقطوعة الرائعة التي يبث فيها لواعج بنات أفكاره في ثنائية الموال تشخيص لحالة تضاد تؤكد على مدى عمق فكرته مع تنوع الصورة الفنية بعاطفة حزينة تعجبية تبلور مرآة النفس المكلومة و تناقضات الناس في معادلة حركة الحياة :
الناس يا دنيا مالها؟
كده فجأة اتغير حالها
بقينا نمشي مسروعين
و على بعض مش صابرين
من الغلا تايهين..
و لا الخير قل منها..
الناس يا دنيا مالها؟
لا تقوللى عيب فى دنيا
و لا تقوللى الزمان
الدنيا هي هي
و زمان نفس الزمان
العيب على الإنسان
لما بقاش إنسان
لما مات الحنان
الناس بيروح جمالها
الناس يا دنيا مالها؟
ما عادشي بيننا (إتفضل)
و لا لكبير بنكبر
ما عادشي صبر يصّبر
م الناس و من أفعالها
الناس يا دنيا مالها؟ ٠
و بعد هذا العرض لبعض لوحات شاعر العامية المصري ابن كفر الشيخ رئيس نادي أدب بلطيم البرلس الذي غنى للفرح و للحزن تباريح الروح من واقعه في نوبات صدق مؤثره في المتلقي بمشاعره المرهفة وسط ظلال تلك البيئة الوارفة بكافة المعطيات بكلمات سهلة بسيطة معبرة مفردات الحياة اليومية في مغازلة زجلية المقاطع غنائية الإيقاع، و من ثم قدم نفسه بين أرباب هذا النوع من الشعر بلهجة تستقبل كل ما تفيض به احاسيسه دائما ٠
مع الوعد بلقاء متجدد لتغريدة الشعر العربي إن شاء الله ٠
ليست هناك تعليقات:
إرسال تعليق