* آش جابني *
آش جابني و آش جابك ْ
آ ش جابْ ڨلبي تحسْبو في مْنابكْ
يْسلِّمْ سْلاحُو عْلى مْرافعْ بابكْ
وِ يتبّعكْ شُوشانْ خادمْ سِيدو
آش جابْ حرْفكْ ليّا
أنا حْروفي في الْفلكْ قُطْبيّه
لا فْجوجْ لا وِدْيانْ تطْمعْ فيّا
لا ريحْ ڨِبْلي رَمْلتُو وِ جْريدُو
آش جابْ ڨلْبِي يْرصِّي
في شطّ ماهْ شْلوڨْ خاطِي نَصِّي
نَنسى دْليلي وْ نحْفْظكْ كِيفْ اسْمِي
و ْملْحْ الشّلوڨْ جرّاحْ ... لاَ مَا يْكِيدُو
آشْ جابْنِي و آشْ جابِكْ
ڨطْرةْ سَخُو عَمّرتْ بيّا سْحابِكْْ
أنا رَيّ عَطْشِك سَارِيَه في تْرابكْ
و ِرْبيعْ نَوِّرْ ... خاطِيَهْ مْواعِيدُو
يا لِيتْ ما طاوعْتكْ
و يا ليتْني في العشْْڨْ ما تبّعْتكْ
وْ لا يُومْ مِحْتْ بْخاطِري و سْمعْتكْ
نْصُبّ الجّمرْ عَ الجُّرحْ ... يطْفَى نْزيدُو
زهرة الحواشي.
من * وشمات "
ليست هناك تعليقات:
إرسال تعليق