الوطن يا بنت أمة...
قبر أمة الغالية
و بابا الغالي
و الجدة و الجد و كل أحبابنا
إلا سبقونا
الوطن يا بنت أمة
أبناء البلد
صغار و كبار
نساء و رجال
و من لا يزال في احشاء أمه يلعب
الوطن يا غاليه...
قعدة هنية
في فناء الدار
وسط العيلة
و الضجة و لعب الصغار
و حكايات و خرافات زمان
و البال راضي و مطمان
الوطن يا بنت أمة
إنت و أني
و ولادك و ولادي
و ديارنا و شوارعنا
و كل ركن من ها المدينة
و حتى النسمة إلا تمر علينا
في الصبح و العشوية
الوطن يا بنت بابا
التربة الندية
نمشي علاها حفيانة أني و انت
و أحنا صغار و العالم بين بدينا
الوطن يا غاليه في الدم يجري
حبه نعمة و رزق من عند ربي مولاي
بقلم حياة المخينيني/مساكن/سوسة/تونس
الأحد 2025/07/06
ليست هناك تعليقات:
إرسال تعليق