. خفة دم
مسطح وسهران ع المصطبة قدام العلية
الجو خانق يلهب والنسمات صيفية
عيوني تناظر السما من الحر محموم
لمّا فكرت اغفل شوية/ي
جتني بدور تتحركش فيي
وتسأل؟
كيف بتشوف القمر
جاوبتها كلمتين بالمختصر
( بعيد وقريب )
استغربت و الرد كان بعصبية ؟مافهمت !
بترمي حزورة أو بتعاجز فييّ
ممكن توضح
وتشرح شويّ
قلت ياشطورة
القمر عالي وفوق الغيوم
إلو شهور محددة بيطلع
ونوره ع الكون يسطع
ضياؤه بيزيح الهموم
حافظ كل حكاوينا
بينور الليل تايبهج عينينا
بيسامر الحبيب المغروم
ويساهر اللي بالعشق محموم
أما القمر القريب
بأي وقت بيطلع
وبأسلته لروحي بيفقع
مشغول البال وحيران
كلامو قيل عن قال وكيد نسوان
يحلالو يعذبني
ومابيهدا إلا و يتحركشني
عيونه بتطوف حواليي
الله يبعثلو الهنا
ظريف وكلو لطف وحنية
طريف باحساس رهيف
هو الروح و السعد
و مهجة قلبي بالوعد
قاعد قبالي وبيسأل عن حالي
وانا بعيونه مغروم
ياترى مفهوم
ضحكت والوجه نور
تتغنج فهمانة عليك
قلت بسألك تا نسيك
النسمات الحارة
عم تسليني و تسليك
..غانم ع الخوري..
ليست هناك تعليقات:
إرسال تعليق